Саңғы ярышы сағыу тәьҫорат ҡалдырҙы

"Сәләмәтлек" саңғы трассаһында мәктәп уҡыусылары спартакиадаһы иҫәбенә саңғы ярышы үтте.

Спорт сараһы өс көн дауам итте. Тәүге көндә ауыл мәктәптәре командалары уҙышты. Уларҙан һуң ҡала мәктәптәренең 4-7-се кластары йүгерҙе.

Ҡыҙҙар һәм үҫмерҙәр мәктәп намыҫын яҡлап, белем биреү учреждениелары спорт рейтингыһында юғары урын өсөн көрәште.

Ярыш һөҙөмтәләре буйынса 4-5-се кластар араһында еңеүсе исемен 4-се мәктәп командаһы яуланы. Икенсе-өсөнсө урындарҙы 8-се һәм 1-се мәктәп уҡыусылары алды.

6-7-се кластарҙан призлы урындарға 4-се һәм 1-се мәктәп, 3-сө гимназия лайыҡ булды.

Ауыл мәктәптәренән Сәйет, Ергән, Первомай уҡыусылары маҡтаулы урындарҙы бүлеште.

Ярыш йәш спортсыларҙа яҙҙың ҡояшлы, матур көнө булып, сағыу тәьҫорат ҡалдырҙы.