Көслө командалар асыҡланды

Нөгөш урта мәктәбендә 2006-2007 йылғы ҡыҙҙар һәм үҫмерҙәр араһында “Башҡортостан” милли парк кубогына волейбол ярышы үтте. Күптәр район кимәлендәге бындай спорт сараһында беренсе тапҡыр ҡатнашты. Шулай булыуға ҡарамаҫтан, еңеүгә ҙур ынтылыш күрһәтте.

Нөгөш, Ергән, Воскресенский, Первомай ауылдарынан, Мәләүез ҡалаһынан ете команда көс һынашты. Көсөргәнешле ярышта үҫмерҙәрҙән маҡтаулы урындарға Воскресенский, Нөгөш ауылы һәм ҡала командалары сыҡты. Ҡыҙҙар араһында ла беренсе урынды воскресенскийҙар яуланы. Икенсе-өсөнсө урынға первомайҙар һәм ергәндәр лайыҡ булды.