Алға, еңеүгә!

Яңыраҡ 4-се мәктәп биләмәһендә спорт майҙансығы асыу тантанаһы үтте. Ҡыҙыл таҫманы киҫкәндән һуң район Хакимиәте башлығы урынбаҫары Геннадий Шлычков объекттың балаларға ғына түгел, мәктәпкә яҡын урынлашҡан йорттарҙа йәшәүселәр өсөн дә уңайлы булыуын белдерҙе. Мәктәп директоры Юрий Зайцев бындай майҙансыҡтарҙың көн дауамында уҡыусыларға үҙҙәре яратҡан спорт уйындары менән шөғөлләнеү мөмкинлеге биреүен һыҙыҡ өҫтөнә алды.

11-се класс уҡыусыһы Тамара Солдатова уҡыусылары исеменән проект авторҙарына рәхмәт белдерҙе. Балалар тренажер майҙансығында үҙҙәренең таҫыллығын күрһәтте, ошонда уҡ футбол, волейбол уйындары уҙҙы.

Һүрәттә: спорт майҙансығы күнекмәләр өсөн асыҡ.