Башҡортостан халыҡтың сәләмәт йәшәү рейтингында күрһәткестәрен яҡшыртты

Башҡортостан халыҡтың сәләмәт йәшәү рәүешенә ынтылыу буйынса төбәктәр рейтингында 29-сы урынды биләй, тип хәбәр итә Росстат, Генераль прокуратура һәм Рәсәй Спорт министрлығы мәғлүмәттәренә таянып рейтинг төҙөгән РИА Новости. Тикшереү барышында эксперттар һигеҙ күрһәткесте, шул иҫәптән: физик культура һәм спорт менән шөғөлләнгән халыҡтың өлөшөн; тәмәке тартыуҙы; алкоголь һатыуҙы; иҫерек килеш һәм наркотик тәьҫирендә енәйәт ҡылған кешеләр һанын; спиртлы эсемлектәрҙән ағыуланып үлеү осраҡтарын; зарарлы һәм хәүефле хеҙмәт шарттары менән эштә мәшғүлдәр өлөшөн анализланы. Башҡортостан 70,6 балл йыйып, 29-сы урынды алды.

Уртаса күрһәткес 65,4 балл тәшкил итте. Рейтингта беренсе урында — 90,9 балл менән Дағстан Республикаһы. Һуңғы баҫҡыста 4,7 балл менән Камчатка крайы тора.