Көрәшселәр уңышы

Дәүләкән районы Хөсәйен ауылында РСФСР-ҙың спорт мастеры Д.А. Булатов иҫтәлегенә арналған республика көрәш турниры үтте. Ярыш Ауырғазы, Дәүләкән, Мәләүез, Әлшәй, Миәкә райондарынан һәм Өфө ҡалаһынан етмешкә яҡын спортсыны йыйҙы.

Унда Смаҡ ауылынан Илмир Юлмөхәмәтовтың һәм Богородскийҙан Илфат Байсуриндың тәрбиәләнеүселәре уңышлы сығыш яһаны. Турнир еңеүсеһе исеменә үҙ ауырлыҡ төркөмөндә Илназ Һыртланов, Илфат Абдулов, Рамаҙан Юлмөхәмәтов лайыҡ булды. Асҡар Шәйәхмәтов, Арыҫлан Әлимғужин - икенсе, Илназ Зөбәйеров һәм Азамат Байданов өсөнсө урын яуланы.

Гөлназ ИБРАҺИМОВА, Ергән балалар-үҫмерҙәр спорт мәктәбе методисы.

Фото интернеттан.