Башҡортостан спортсыһы алтын миҙал яуланы

Башҡортостан рапирасыһы Аделина Заһиҙуллина Токиола Олимпиадала Рәсәй йыйылма командаһында еңеп сыҡты. Был - уның беренсе алтын миҙалы.

29 июлдә Башҡортостан спорты тәрбиәләнеүсеһе илдең ҡатын-ҡыҙҙар йыйылма командаһы составында Франция командаһын еңде. Аделина Заһиҙуллина Лариса Коробейникова, Инна Дериглазова, Марта Мартьянова менән бергә ҙур еңеүгә өлгәште.

 Башҡортостан Башлығы Радий Хәбиров Аделина Заһиҙуллинаға алтын миҙал алыуы менән ҡотлап шылтыратты. Республика етәксеһе ярыштарҙа спортсы ҡыҙҙарҙың ныҡышмалы көрәшен билдәләп үтте һәм барлыҡ командаға яҡшы ҡаҙаныштары өсөн рәхмәт белдерҙе.

“Был миҙалды шул тиклем тулҡынланып көттөк. Һеҙгә нисек ауыр булғанын аңлайбыҙ, беҙ күҙәтеп барҙыҡ. Афарин! Шундай нәфис ҡыҙ, һәм бына ошо Олимпиадала беренсе алтын миҙалыбыҙ”, – тине Радий Хәбиров.

Фото:gtrk.tv