Бөтә Союз пионерҙар ойошмаһына - 95 йыл

Балалар-үҫмерҙәр ижад һарайында уҙған сарала ҡала пионерҙары ойошмаһы лидерҙары һәм активистары башҡарылған эштәр, яуланған уңыштар, фестивалдәр, байрамдар тураһында һөйләне. Рәсәй мәктәп уҡыусылары хәрәкәте башланыуы хаҡында хәбәр иттеләр. Был көндә шулай уҡ ойошманың иң яҡшы пионерҙарына мәғариф идаралығының Маҡтау грамоталары тапшырылды.

Сарала ҡатнашҡан “Һуғыш балалары” йәмәғәт ойошмаһы рәйесе Николай Бедняков һәм уның урынбаҫары Ғәлиә Кәримова балаларҙы байрам менән ҡотланы, уларҙы ветерандарға, оло йәштәгеләргә ярҙам итергә саҡырҙы. Николай Петрович йәш быуынды тәрбиәләүҙәге өлөшө һәм хеҙмәттәшлеге өсөн “Башҡортостан пионерҙары” ойошмаһын Рәхмәт хаты менән бүләкләне. Рәсәй мәктәп уҡыусылары хәрәкәте ағзалары уйын үткәрҙе.

Яна Воробьева, 1-се гимназия уҡыусыһы.

Һүрәттә: Сәхнәлә - ойошманың әүҙем пионерҙары.

Автор фотоһы.