Иң мөһиме - йорттарҙа йылылыҡ

Бындай объекттар йылдан-йыл заманлаштырыла. Йәмғиәт 35 ҡаҙанлыҡты хеҙмәтләндерә, шуларҙың 9-ы - ҡалала, ҡалғандары - ауылдарҙа.

Уҙған быуатта сафҡа тапшырылған ҡаҙанлыҡтар техник яҡтан да, торошо буйынса ла иҫкергән. Шуға ла яғыулыҡ ҡиммәтләнгән заманда энергия аҙ талап иткәндәренә күсеү отошло. “Мәләүез һөт-консерва комбинаты” йәмғиәте районында ҡулланыусыларҙы блок-модулле ҡаҙанлыҡҡа күсереү өсөн 16 миллион һум аҡса тотоноу күҙалланған. Коммуникация, көйләү һәм башҡа эштәр ҙә сығым талап итә. Газ яғыулығында эшләүсе блок-модулле ҡаҙанлыҡтың ҡеүәте юғары, сәғәтенә 18,8 Гкал.

Бөгөнгә план буйынса 29 ҡаҙанлыҡ, 10 үҙәк йылылыҡ пункты тулыһынса әҙер.

Ҡаҙанлыҡ заманса насос менән ҡоралландырылған, үҙаллы режимда эшләй, күрһәткестәр автоматик тәртиптә диспетчер пунктына тапшырыла. Автоматлаштырылған система авария хәле килеп тыуғанда газ биреүҙе туҡтата, йылылыҡ баҫымын көйләй, һауа торошона ҡарап, йылылыҡ бирә.