Йылытыу миҙгеле башланды

Район Хакимиәте башлығы Рөстәм Шәмсетдинов көн һалҡынайыу сәбәпле, халыҡтан мөрәжәғәт артыуға бәйле, үҙәк район дауаханаһына, балалар баҡсаларына һәм белем биреү учреждениеларына 12 сентябрҙән йылы биреү тураһында ҡарар ҡабул итте.

Уға ярашлы, йылылыҡ биреүсе ойошмалар “Йылылыҡ селтәрҙәре” йәмғиәте заявкаһы буйынса район-ҡала объекттарын йылылыҡ менән тәьмин итә. Һауа температураһы +8 градустан түбән булған осраҡта торлаҡ йорттарға ла биреләсәк. Йылылыҡ миҙгеленә әҙерлек тураһында акттары булмағандар, энергия өсөн бурысын түләмәгән, шулай уҡ эҫе һыу менән тәьмин итеү һәм йылытыу системаһын ремонтламаған ҡулланыусыларға йылы бирелмәйәсәк.