Ғаилә ипотекаһы

Был программала 18 йәштән өлкән кешеләр ҡатнаша ала. Программала ҡатнашыусылар йылдан-йыл арта. Әлеге ваҡытта 7,5 мең кеше торлаҡ өсөн аҡса туплай. 2017 йылдың июненән ипотеканы 7 процент ставкаһы менән бирҙеләр, программанан ике меңдән ашыу кеше файҙаланып өлгөрҙө.

Ил халҡының 42 процентының йән башына тура килгән килеме 15 меңдән 35 меңгә тиклем тәшкил итә. Тәүге иғәнәгә аҡса булмағанда ипотека алыуы ҡыйынлаша. Башҡортостанда ”ғаилә ипотекаһы” буйынса ставканы 3,5 процентҡа тиклем кәметеүҙәре ихтимал. Был хаҡта Башҡортостан Хөкүмәтендә үткән кәңәшмәлә билдәләнде.