Башҡортостанда 60 мең самаһы мохтаж граждан торлаҡ шарттарын яҡшыртты

- Беҙ финанслауҙы күп тапҡырға арттырҙыҡ. Дүрт йыл эсендә-12 миллиард һум самаһы. 41 425 кеше туранан-тура торлаҡ менән тәьмин ителгән (етем балалар һәм инвалидтар) йәки уны һатып алыуға сертификаттар алған (күп балалы һәм йәш ғаиләләр, һуғыш ветерандары, мәжбүри күскенселәр, беренсе бала тыуғанда), - тине Андрей Назаров. Алданған өлөшсөләрҙең проблемаларын хәл итеү буйынса Башҡортостан республикаһы иң күп граждандарҙың хоҡуҡтары тергеҙелгән тәүге биш төбәк иҫәбенә инде. - Һуңғы дүрт йылда 7 842 өлөшсө хоҡуҡтарын тергеҙгән. Был мәсьәләнең бөтә тарихында иң юғары нөктә. Проблемалы объекттар реестрынан 117 йорт сығарылған, өҫтәүенә былтыр уларҙың иң күбе, - тип билдәләне Андрей Назаров.