-14 °С
Болотло
Бөтә яңылыҡтар
Халыҡ дауаһы
28 Ноябрь 2025, 23:00
Йүтәл ныҡ йонсотһа...
Көҙ – һәр төрлө тымау-киҙеүҙәрҙең баш ҡалҡытҡан осоро. Саҡ ҡына өшөү ҙә тымаулауға, артабан оҙайлы йүтәлгә килтереүе ихтимал. Һеҙҙең иғтибарға халыҡ дауаһы серияһынан бер рецепт.
Йүтәл ныҡ йонсотһа...
Ҙур ғына бер баш һуған, шул сама һарымһаҡ һәм керән тамыры алына. Барыһын да ит турағыс аша үткәрергә йәки блендерҙа иҙергә. Яҡынса ярты литр ҡатнашма килеп сыға. Шул сама бал ҡушып, яҡшылап болғайбыҙ. Йүтәл ныҡ йонсотҡанда, көнөнә өс тапҡыр берәр сәй ҡалағы аш мәлендә ҡабул итергә. Ҡатнашма һыуытҡыста бер йыл боҙолмай һаҡлана ала.
Керән был рецептта мотлаҡ һанала, сөнки ул тын юлдарын, альвеолаларҙы киңәйтә, тын алыуҙы еңелләштерә, астманы иҫкәртә. Әммә ашҡаҙан-эсәк юлы сирҙәре, ашҡаҙандың сей яраһы осрағында шулай уҡ бәләкәй балаларға был рецепт кәңәш ителмәй. Балға аллергияһы булғандар ҙа һаҡ ҡыланырға тейеш.
Халыҡ медицинаһы рецепттарын ҡулланыр алдынан да табип менән кәңәшләшеү зыян итмәҫ.
Сығанаҡ https://bashgazet.ru/articles/s-l-m-t-bulayy/2020-10-02/y-t-l-ny-yonsot-a-689979
Новости партнеров