Хәтер насарая, депрессия һәм паранойя үҫешә: ситтән тороп эшләү нимәгә килтерә?

Ун кешенең һигеҙе психик ауырыуҙарҙан яфалана. Әҙәм балаһы -ул социаль зат. Был уның тәбиғәте ул аралашҡан йәмғиәт менән айырылғыһыҙ бәйләнгән тигәнде аңлата. Әммә беҙгә прогресс килтергән мөмкинлектәр бөгөн йәмғиәт менән бәйләнештәрҙе минималь кимәлгә еткерергә ярҙам итә. Дүрт стенала йәшәү рәүеше көндән-көн киң тарала бара. Сәбәбе ябай-ул асыҡ. Бөгөн кешеләрҙең алыҫтан эшләргә һәм аҡса эшләргә мөмкинлектәре бар. Яҡшы көйләнгән ташыу сервистары инфраструктураһы бер нисә клик эсендә теләһә ниндәй тауарҙы – аҙыҡ-түлектән алып көнкүреш техникаһына тиклем-үҙ фатиры тупһаһында алырға мөмкинлек бирә.

«Йыш ҡына бындай йәшәү рәүешен 18 йәштән 35 йәшкә тиклемге ир-егеттәр һайлай. Улар  социаль баҫым кисерә, әммә бөгөн йәмғиәттең көтөлгәненән йәшеренеп була. Тәү сиратта был бик һиҙгер кешеләргә ҡағыла, уларға үҙ шәхесенә иғтибар итеү ауыр. Шулай уҡ психологик травма кисергәндәр ҙә инә.

Табип әйтеүенсә, әгәр кеше ҡайһы берҙә дүрт стенаға бикләнеп, яңғыҙ ҡалырға теләй икән, был ғәҙәти хәл. Шулай итеп ул организмдың ресурсын тергеҙә, бөгөн был модалы тип атала, үҙенең «социаль батареяһын»зарядлай. Әммә әгәр изоляция оят, яңғыҙлыҡ йәки бушлыҡ тойғоһо менән оҙатылһа, өҫтәүенә айҙар буйына дауам итһә, ул саҡта патология тураһында һүҙ алып барырға мөмкин. "Патологик изоляцияланырға теләүсе кешегә тышҡы донъяға сығыу ҡурҡынысы янай, ул социаль бәйләнештәрен юғалта. Бикләнеүгә әүәҫ кешеләрҙең 80 проценты психик ауырыуҙарҙан яфалана. Был борсолоу ҡаҡшауы, депрессия, шизофрения. Аутизм спектры боҙолоуы менән сирләгән кешеләр ҙә йыш ҡына тирә-яҡтағыларҙан ситләшә, үҙ-үҙҙәренә күсә. Был осраҡтарҙың барыһында ла тышҡы донъя көсөргәнеш, ярһыу һәм хәүеф сығанағы булып күренә", - тип билдәләне табип.

Кеше ҙур күләмдә эш башҡарһа ла, бикләнеүҙә уның когнитив дефициты барлыҡҡа килә. Хәтер һәм иғтибар насарая. Магазинға барыу ғына мейебеҙҙе эшләргә мәжбүр итә, ә урамға сыҡмаһаң, арауыҡта ориентация күнекмәһе юғала. Шулай уҡ даими йәшәү менән дүрт стенала хроник борсолоу һәм паранойя үҫешә. Ишек шаҡыу, домофонға шылтыратыу – барыһы ла хәүеф кеүек тойола башлай», – тип билдәләне табип.