Өфө-Ҡазан араһында поезд йөрөй башлай

Ҡазан менән Өфө араһында тура тимер юл бәйләнеше тергеҙелә, тип хәбәр итә «Реальное время».

Маршрут 2019 йылдың 9 декабренән йөрөй башлай, тип яҙылған Рәсәй тимер юлдары теҙмәһендә. Ҡазандан Өфөгә — таҡ, ә кире йүнәлештә йоп көндәрҙә барып етергә мөмкин. Юлға 21 сәғәт тирәһе китә.

Ҡазан - Һамар, Мәскәү - Силәбе, Өфө - Санкт-Петербург, Һамар - Ҡазан поездарының күсеп ултырмай торған вагондары йөрөтә.

2017 йылда Өфөнән Ҡазанға тура поездар хәрәкәте файҙаһыҙ тип танылғайны.