Соҡорҙо яҙын һанайҙар

Рәсәйҙә ике бәлә бар, шуның береһе - юлдар, тип әйткән бер ғилем эйәһе. Яҙҙың иртә килеүе юлдарҙы ремонтлау хеҙмәткәрҙәрен дә ашыҡтыра. Иң башта ҡар менән бергә асылған асфальттағы соҡорҙарҙы һыуыҡ  асфальт менән ямау эше башланғайны. Бөгөн “Башкиравтодор” акционерҙар йәмғиәтенең Күгәрсен юл ремонт-төҙөлөш идаралығының Мәләүез участкаһы юлсылары Ергән - Нордовка ауылдары араһында ремонтлау эше алып бара. Эшселәр фреза менән соҡорҙарҙы формаға килтереп, иретеп битум ҡойғандан һуң, асфальт менән тигеҙләп ҡуя.