+12 °С
Облачно
Файҙалы кәңәштәр
19 Августа , 12:00
Сүп үләнеме, әллә ашарға яраҡлы үҫемлекме?
Баҡса портулагы (Portulaca oleracea) портулактар ғаиләһенә ҡараған бер йыллыҡ үлән. Һабағы төптән тармаҡланып ергә йәйелеп 40 сантиметрға тиклем үҫә. Япрағы шыма, ҡыҙғылт төҫтә, ялпаҡ һәм итле, оҙонса йоморо. Түбәнгеһе спираль рәүешендә урынлашҡан, өҫкөләре ҡапма-ҡаршы. Сәскәһе ваҡ, һары төҫтә, һабаҡ ботаҡтарында икешәр-өсәрләп йыйыла. Емеше сентябрҙә өлгөрә.
Сүп үләнеме, әллә ашарға яраҡлы үҫемлекме?
Портулактың йәш үҫентеһе, япраҡ һәм һабағы аш-һыуҙа ҡулланыла. Улар һутлы, бер аҙ әсе, шпинатҡа оҡшаған. Портулактан әсе салат, һурпа, пюре, ит ризыҡтарына тәмләткес әҙерләйҙәр. Ҡышҡылыҡҡа тоҙлайҙар һәм маринадлайҙар. Уның һутын смузиға өҫтәп йәки унан яңы эсемлек әҙерләп була.
Халыҡ медицинаһында портулак бөйөр, бауыр һәм бәүел ҡыуығы ауырыуҙары ваҡытында ҡулланылған. Тик баҡса портулагын гипертония һәм быуын ауырыуы ваҡытында ашарға кәңәш ителмәй.
Ҡулланыр алдынан врач менән кәңәшләшергә онотмағыҙ.
Сүп үләнеме, әллә ашарға яраҡлы үҫемлекме?
