Изге кешеләр булғанда йәшәүе еңелерәк

Халыҡ-ара “Мин-автор” балалар һәм йәштәр ижады фестиваленең өс көн дауамиткән йомғаҡлау этабында ҡатнашыу бәхете йылмайған яҡташыбыҙ Римма Шәйәхмәтова “Петуния”шиғырын һөйләп, тамашасыларҙы таң ҡалдырҙы.

Халыҡ-ара “Мин-автор” балалар һәм йәштәр ижады фестиваленең өс көн дауам иткән йомғаҡлау этабында ҡатнашыу бәхете йылмайған яҡташыбыҙ Римма Шәйәхмәтова “Петуния” шиғырын һөйләп, тамашасыларҙы таң ҡалдырҙы. Жюри ағзалары уны ижадында матурлыҡ, гүзәллек, гармонияға ынтылышы өсөн бер тауыштан “Мин-автор” балалар һәм йәштәр ижады фестивале лауреаты дипломы менән бүләкләне. Был киләсәктә Риммаға тағы ла илһамланып ижад итергә көс өҫтәне.

8 республика, 14 өлкә, Краснодар, Ставрополь крайы, Белоруссия, Болгария, Әрмәнстан, хатта Тайвандан килеүселәр үҙ һәләтен күрһәтте, сара барышында башҡаланың иҫтәлекле урындарына сәйәхәт ойошторолдо, ҡатнашыусылар адрес, телефон номерҙары менән алмашты.

Ошондай кимәлдә үткән халыҡ-ара фестивалдә ҡатнашыуға үҙ өлөшөн индергән, ярҙам иткәндәре өсөн Мәләүез район-ҡала Хакимиәте башлығы Рөстәм Шәмсетдинов, район Хакимиәте башлығының социаль мәсьәләләр буйынса урынбаҫары Геннадий Шлычков, район эшҡыуарҙары союзы ағзалары, инвалидтар ойошмаһы етәксеһе Ринат Дәүләтшинға сикһеҙ рәхмәтебеҙҙе белдерәбеҙ!

ҺҮРӘТТӘ: Римманың Мәскәүҙә сираттағы еңеүе!

Хәлиҙә Шәйәхмәтова.

(Римма Шәйәхмәтова)

Петуния

Ҡала урамында төрлө төҫтә,

Петуния сәскә атты.

Һеҙҙе уйлап, һеҙҙе йәлләп,

Күҙҙәремдән йәштәр аҡты.

Матурлыҡ бүләк иттегеҙ,

Ҡабаланып сәсәкә атып.

Әсе елдән көнө менән

Торһағыҙ ҙа өшөп, ҡатып.

Ә ел үҙенекен итә -

Имәндәр ҙә ныҡ бөгөлә.

Яҙмыш еленә бирешмәй

Һеҙ һаман да шау сәскәлә.

Минең көслө булғым килә-

Бойһонмай әсе яҙмышҡа.

Һоҡланыуымдың сиге юҡ,

Уйлайым да ошо хаҡта.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Сайт общественно-политической газеты г. Мелеуз и Мелеузовского района Республики Башкортостан «Конгэк».

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.

Баш мөхәррир Абдрахманова Л.А.

Электрон почта

[email protected]

Адресы

Башҡортостан республикаһы, Мәләүез ҡалаһы, Воровский урамы, 6-сы йорт.

Телефон

+7 (347-64) 3-52-07