Эшләй ҙә, ял итә лә беләләр

Тимер­-бетон ҡоролмалар заводы ҡаланың йәмәғәт тормошонда ла, “Башбетон” компанияһына ингән предприятиелар араһында үткәрелгән республика сараларында ла ҡатнашырға өлгөрә.

Күптән түгел йәмғиәт хеҙмәткәрҙәре Благовещенда уҙған спорт фестивалендә уңышлы сығыш яһаны. Был сара һигеҙенсе тапҡыр йыл һайын ойошторолоп, матур йолаға әйләнгән.

Спорт байрамында бөтәһе биш команда, “Башбетон” йәмғиәте һәм ошо компанияға ингән Благовещен, Салауат, Мәләүез ҡалаларындағы тимер­бетон һәм төҙөлөш ҡоролмалары заводтары хеҙмәткәрҙәре үҙ­ ара көс һынашты.

Еңеүсе исемен яулау өсөн хеҙмәткәрҙәр спорттың ал ты төрө буйынса көсөргәнешле ярышты. Командаларҙың береһе пляж волейболында, икенселәре мәргәнлектә, өсөнсөләре ар ҡан тартышыуҙа алдынғылыҡ яулаһа, беҙҙең завод хеҙмәткәрҙәре уларҙың бөтәһендә лә тиерлек маҡтаулы урындарға сыҡты. Мәҫәлән, пляж волейболында, арҡан тартышыуҙа беренселекте бер кемгә лә бирмәне. Дартста һәм ҡулсаға туп ырғытыуҙа өсөнсө­дүртенсе урын менән сикләнһәләр, хәүефһеҙлек мәктәбе буйынса икенсе урынды яуланылар. Спорт фестивале дөйөм йомғаҡтары буйынса беҙҙең команда чемпион исеменә лайыҡ булды. Һөҙөмтәлә күсмә кубок Мәләүез командаһында ҡалды.

Был еңеү предприятиеның уңыштар тупланмаһын тағы ла тулыландырҙы.