Конгэк
-14 °С
Болотло
75 лет Победы
Бөтә яңылыҡтар
Йәмғиәт
8 Август 2018, 12:42

Ижады менән матурлыҡ өләшә

Күркәм донъяның матурлығын, яҡындарыңды, тирә-яҡты күреү - оло бәхет ул.

Ә бит арабыҙҙа һуҡырҙар ҙа юҡ түгел. Ҡайһы берҙәре өйҙән дә сығырға ҡурҡып ултыра, сөнки урамда ни көтөрөн белмәй ул. Әлегә йәмғиәтебеҙҙә лә уңайлы мөхит теләгәнсә булдырылмаған.
Беҙҙең районыбыҙ һәм ҡалабыҙҙа дандары республикабыҙға, хатта сит өлкәләргә таралған яҡташтарыбыҙ бар. Шуларҙың береһе - Муса Смаҡов.
Бәләкәйҙән күҙҙәре күрмәһә лә, ул юғалып ҡалмай, музыка менән шөғөлләнә, йырҙар ижар итә. Баянын ҡулына алһа - көй-моңо йөрәккә үтеп инә. Синтезаторҙа ла бик оҫта уйнай. Муса ағай ижад иткән йырҙар бик популяр.
Ошо көндәрҙә Баймаҡ ҡалаһында Башҡортостандың атҡаҙанған мәҙәниәт хеҙмәткәре Муса Смаҡовтың ижад кисәһе ойошторолдо. Бында уның халыҡ яратып тыңлаған төрлө йырҙар яңғыраны, тамашасылар уларҙы көслө алҡыштарға күмде. Беҙҙең ҡаланан Динар Халиҡов та барғайны. Уның сығышын да баймаҡтар яратып ҡабул итте.
Гөлназ НАСИРОВА.
Башҡортостандың атҡаҙанған мәҙәниәт хеҙмәткәре Муса Смаков Динар Халиҡов менән.