Рухи маяғыбыҙ итеп күтәрәйек

Мәғариф хеҙмәткәрҙәре элек-электән баҫмабыҙҙы иң күп алдырғандарҙың береһе иҫәпләнә. Идаралыҡтың йыл һайын тиерлек үҙенә йөкмәтелгән планды үтәүенән дә күрергә була быны. 2019 йылға яҙылыу кампанияһы башланғас, учреждение етәксеһе Алик САТЛЫҠОВҡа быға нисек өлгәшеүҙәре һәм гәзит-журналдарҙың әһәмиәте хаҡында фекерҙәрен һорап мөрәжәғәт иттек.

- Замандың ниндәй генә осорон алма, педагогтар һәр ваҡыт иң алдан булған һәм шулай булырға тейеш тә. Матбуғатҡа яҙылыуҙа ла улар бөтәһенә лә өлгө күрһәтә. Был хаҡта мәғариф хеҙмәткәрҙәре үҙҙәре лә яҡшы аңлай һәм шуға күрә был кампанияла әүҙем ҡатнаша. Рәсәй, республика баҫмалары араһында “Көнгәк” гәзитен яратып уҡыған уҡытыусыларыбыҙ, тәрбиәселәребеҙ күп. Тап уларҙың әүҙемлеге менән йөкмәтелгән бурысты үтәйбеҙ, тип уйлайым.