Исеме есеменә тура килә

"Тамыр" телеканалының "Бирешмә!" беренсе үҫмерҙәр сериалы Бөтә Рәсәй "ТЭФИ-Төбәк-2018" телевизион конкурсы финалисы булды. Башҡорт сериалы жюри ағзалары тарафынан иң яҡшыһы тип табылды һәм проект телевизион нәфис фильм һәм сериал номинацияһында баһаланды.

- Беҙҙең өсөн был ябай номинация түгел, сөнки сериал - телевидениела иң ауыр эштәрҙең береһе. "Бирешмә!" - тарихта башҡорт телендәге беренсе үҫмерҙәр сериалы", - ти холдинг директоры Рөстәм Зарафетдинов.

Ун сериялы фильм ғына түгел, "Тамыр" телеканалына әллә күпме яңы проект бүләк иткән телевизион бренд та ул. Өфө Рәсәйҙең балалар телевидениеһы үҙәгенә әйләнде тиергә лә мөмкин.