"Бергәләп еңеп сығырбыҙ"

Республика Башлығы вазифаһын ваҡытлыса башҡарыусы Радий Хәбиров “Башавтотранс” предприятиеһына халыҡты сифатлы хеҙмәтләндереү буйынса яңы бурыстар ҡуйҙы. Ошо уңайҙан дәүләт-унитар предприятиеһының Мәләүез филиалы директоры Альберт Садиҡов менән әңгәмәләштек.

- Бөгөн АТП-ла 196 кеше эшләй, шуларҙың 74-е - водитель. 9 ҡала, 5 район, 29 ҡала яны, 12 ҡала-ара, 2 өлкә-ара маршруттары буйынса хеҙмәтләндерәбеҙ. Көнөнә 410 рейс яһала, 4 379,9 километр ер үтелә. Бар маршруттар буйлап 6 мең тирәһе пассажир йөрөтәбеҙ. Түбәнге Кама ҡалаһындағы ойошмаға даими заказдар бар. 9 ай эсендә 1 миллион 247 мең пассажир беҙҙең предприятие хеҙмәте менән ҡулланған. 70 миллион 460 мең һум килем алынған. Ҡала, ҡала эргәһендәге маршруттарҙа 87 мең пассажир хеҙмәтләндерелгән, берҙәм “транспорт карта”һын 271 мең пассажир ҡулланыуҙан предприятиеға 5 миллион 247 мең һум аҡса килгән.