Ҡыҙыл, һары, йәшел - хәрәкәт башланды

Статистикаға ярашлы, һәр өсөнсө юл транспорты ваҡиғаһы юл аша сыҡҡанда йәйәүлеләрҙе тапауға бәйле, сөнки бындай урындарҙа светофорҙар булмағанлыҡтан, хәүефһеҙлек талабы инҡар ителә. Зыян күреүселәр исемлегенең 70 проценттан ашыуын, ҡыҙғанысҡа ҡаршы, балалар тәшкил итә.

Ҡалала йыл аҙағына тиклем яңы светофорҙар урынлаштырылыуы тураһында гәзиттә мәғлүмәт биргән инек инде. Смоленский урамында Башҡортостан технология һәм идаралыҡ институты филиалы районында Өфөнөң махсуслаштырылған “Адонис” йәмғиәте эшселәре транспорт сараһы, йәйәүлеләр күп хәрәкәт иткән урында светофор урынлаштырҙы.