Май байрамдарында нисек ял итәбеҙ

«5 һәм 6 ғинуарҙағы, шулай уҡ 23 февралдәге ял көндәрен күсереү сәбәпле май байрамдары оҙайтылды», — тип асыҡлыҡ индерҙе Хеҙмәт һәм мәшғүллек буйынса федераль хеҙмәт етәксеһе урынбаҫары Иван Шкловец.

Әйтәйек, Яҙ һәм хеҙмәт көнөн байрам итеүгә бәйле рәсәйҙәр быйыл биш көн рәттән ял итә — 1-нән 5 майға тиклем.

Еңеү көнөнә рәсәйҙәрҙе өс көнлөк эш аҙнаһы һәм оҙайлы ялдар көтә. 6,7,8 май — эш көндәре, 9-нан 12-нә тиклем — ял.

Бынан тыш, 30 апрель һәм 8 май байрам алды көндәре булғанлыҡтан, эш ваҡыты бер сәғәткә ҡыҫҡара.