Республикала бер ир кафела йәш парға атҡан

Уларҙың кафела ултырыуҙары, унда 50 йәшлек ир менән танышыуҙары асыҡланған. Бергә спиртлы эсемлек эскәндән һуң араларында бәхәс ҡупҡан. Яңы таныштары травматик пистолетын сығарып, егет менән ҡыҙға ата башлаған.

Күп тә үтмәй, ул кафенан алыҫ түгел ерҙә тотолған. Ир үҙенең был ҡылығын аңлата алмаған, сөнки ныҡ иҫерек булған.

«Әлеге осраҡ буйынса тикшереү үткәрелә, унан һуң процессуаль ҡарар ҡабул ителергә тейеш», — тип хәбәр итте Рәсәй Эске эштәр министрлығының Салауат ҡалаһы буйынса хеҙмәткәре Ильмира Хәйбуллина.