Халыҡ-ара форум

Бөгөн, йәғни 30 июндә республиканың баш ҡалаһында “Рәсәйҙең һәм Үҙәк Азияның төрки халыҡтары: туған мәҙәниәт диалогы” форумы үтә. Уны “Берлек-Единство” геосәйәси тикшеренеүҙәр үҙәге ойоштора.

Сараның маҡсаты - донъяла төрки халыҡтар үҙәгенең береһе булараҡ Рәсәйҙең ыңғай образын тыуҙырыу, Үҙәк Азия илдәре менән төбәк-ара хеҙмәттәшлекте үҫтереү, милли-мәҙәни традицияларҙы һаҡлау, экстремизмды иҫкәртеү.

Форумда Рәсәйҙән, Ҡаҙағстандан, Ҡырғыҙстандан, Үзбәкстандан халыҡ-ара мөнәсәбәт, хәүефһеҙлек, иҡтисад, хоҡуҡ һәм этносәйәсәт буйынса сығыштар буласаҡ. Өфөнән Башҡортостан Башлығы Хакимиәте, Фәндәр академияһы, Мәҙәниәт, мәғариф, йәштәр сәйәсәте һәм спорт министрлыҡтары, Башҡорт дәүләт университеты, БР Дәүләт Йыйылышы - Ҡоролтайҙың мәғариф, мәҙәниәт, спорт буйынса дәүләт комитеттары вәкилдәре ҡатнашасаҡ.