Өмөт арта

Намыҫ менән йәшәргә, эшләргә, донъя көтөргә тырышҡан кешегә лайыҡлы тормош көтөү, балалар үҫтереү өсөн күпме кәрәк, Рәсәй президенты Владимир Путин 2020 йылдың 1 ғинуарынан хеҙмәткә түләүҙең минималь күләмен айына 12130 һум тип билдәләгән законға ҡул ҡуйҙы.

Был эш хаҡының, төрлө компенсацияларҙың һәм социаль түләүҙәрҙең артыуына килтерә. МРОТ күләме ваҡытлыса эшкә яраҡһыҙлыҡ ҡағыҙын түләүгә, йөклөлөк һәм бала ҡарау буйынса пособие күләменә йоғонто яһай.

Башҡортостанда 2020 йылдың 1 ғинуарынан эш хаҡының минималь күләме, район коэффициентын иҫәпкә алып, 12 972 һумдан 13 949,5 һумға тиклем күтәрелә. Шулай итеп, минималь хеҙмәт хаҡы 977 һумға арта.