Бөтә яңылыҡтар
Йәмғиәт
15 Апрель 2020, 15:27

Мәрхәмәтле кешеләр ярҙамға килә

Бөгөнгө еңел булмаған осорҙа үҙ ирке менән мохтаждарға ярҙам иткән мәрхәмәтле кешеләр бар. Улар коронавирус инфекцияһына бәйле үҙизоляцияла булған граждандарҙы, өлкән йәштәгеләрҙе, сирлеләрҙе, йәш балалы әсәйҙәрҙе битлек, аҙыҡ-түлек, көнкүреш кәрәк-ярағы, дарыуҙар менән тәьмин итә.

Бөгөнгө еңел булмаған осорҙа үҙ ирке менән мохтаждарға ярҙам иткән мәрхәмәтле кешеләр бар. Улар коронавирус инфекцияһына бәйле үҙизоляцияла булған граждандарҙы, өлкән йәштәгеләрҙе, сирлеләрҙе, йәш балалы әсәйҙәрҙе битлек, аҙыҡ-түлек, көнкүреш кәрәк-ярағы, дарыуҙар менән тәьмин итә.
Беҙҙең ҡалала ла бар ундайҙар. Кешеләргә ярҙам ҡулы һуҙырға әҙер булған ирекмәндәр сафына башлыса йәштәр, уҡыу йорттары студенттары теләп ҡушылған. Мохтаждарҙы тормош кәрәк-ярағы менән тәьмин итеүҙе үҙ өҫтөнә алған спонсорҙар ҙа бар.
- Беҙгә бигерәк тә оло йәштәгеләр рәхмәтле. Улар менән аралаша алмайбыҙ алыуын, килтергән әйберҙәрҙе лә ишек төбөндә, тупһала ҡалдырып китергә мәжбүрбеҙ, сөнки һаҡлыҡ ҡағиҙәләрен боҙорға ярамай, - ти улар.
Районда 1 апрелдән алып 65 йәштән өлкән һәм сәләмәтлек мөмкинлектәре сикләнгән кешеләрҙән барлығы 120 мөрәжәғәт ҡабул ителгән.
Ирекмәндәр ярҙамына мохтаж булғандар 8 (34764) 3-21-41; 8 (34764) 3-16-23 телефон һандарына шылтырата ала.