Рөхсәт кәрәк

Өйҙә генә ултырырға ҡушылһа ла, йыш ҡына ашығыс эштәр табылып ҡына тора. Урамға сығырға ла, машина йөрөтөргә лә тура килә шул. Ә шулай ҙа кемдәр язанан - административ штрафтан азат? Иң тәүҙә республикала doroga02.ru порталының эшләүе тураһында әйтеп үтәйек. Бында транспортта йөрөүгә рөхсәт алып була. Кемдәргә ул бирелә?

Рөхсәт алыр алыр өсөн иң тәүҙә порталда теркәлергә, йәшәгән урынын, автомобиль номерын, шулай уҡ ҡайҙа һәм ниндәй маҡсат менән барғанығыҙҙы күрһәтергә кәрәк буласаҡ. Документты полиция хеҙмәткәрҙәренә күрһәтеү өсөн ҡағыҙға баҫтырырға йәки электрон төрҙә һаҡларға була. Шуныһын белеү мөһим: йөрөү өсөн көнөнә һәр кешегә 90 минут (1 сәғәт 30 минут) ваҡыт бирелә.

Үҙегеҙҙе һәм яҡындарығыҙҙы һаҡлағыҙ!