Иҫкә алыу көнө күсерелде

Тереләрҙең ҡәҙерен бел, үлеләрҙең ҡәберен бел, тиҙәр. Зыярат ҡылыу – изге эш, әруахтар доғаға мохтаж. Дөрөҫ, уны өйҙә уҡырға ла була, шул уҡ ваҡытта яҙ көнө ҡәберлектәрҙе тәртипкә килтереү, барып иҫкә алыу ғәҙәткә ингән.

Быйыл Мәрхүмдәрҙе иҫкә алыу көнө 2 майҙан 6 июнгә күсерелде. Дата быйылға ғына үҙгәртелде. Республика Башлығы Радий Хәбиров муниципалитет башлыҡтарына автобустар маршрутын уйларға, мәрхүмдәрҙең туғандары барырҙан алда зыяраттарҙы тәртипкә килтерергә, сүп-сарҙан таҙартырға, ағастарҙы ҡырҡырға һәм Иҫкә алыу көнөнән һуң сүпте йыйыу өсөн коммуналь көстәрҙе иҫәпләргә ҡушты. Шулай уҡ Башҡортостан Башлығы зыяраттарҙа бер урында күп кеше йыйылмауҙы күҙәтеүҙе һораны.

Зыяраттар 6 июндән ҡәҙимгесә эшен дауам итәсәк.

Фото https://yandex.ru/images/search?pos