Хужабикәләр эш хаҡы алыр

Дәүләт Думаһына йорт хужабикәләре өсөн хеҙмәткә түләүҙең минималь күләмендә (12 130 һум) пособие түләү тураһында закон проекты индерелде. Билдәләнеүенсә, ул үҙ ғаиләһенең йорт хужалығын алып барған кешеләргә тәғәйенләнәсәк.

Йорт мәшәҡәттәре, йыуыу-йыйыштырыу, ашарға әҙерләү, балалар һәм өлкәндәрҙе тәрбиәләү һәм башҡа шөғөлдәр күҙ уңында тотола. Закон проектында аҡсаны алыу өсөн шарттар ҙа күрһәтелгән. Мәҫәлән, ғаиләлә бындай пособиены бары бер генә кеше алыу хоҡуғына эйә, өҫтәүенә ғаиләлә йән башына тура килгән уртаса килем йәшәү минимумының икеләтелгән күләменән ҙур булмаҫҡа тейеш. Закон проекты парламентта тауыш биреүҙең бөтә этаптарын үтеп, Президент тарафынан раҫланһа, киләһе йылдың 1 ғинуарынан йорт хужабикәләре пособие ала башлаясаҡ.

Фото:https://rb7.ru/system/images/image_links/207580/cooking-in-the-254678ury.jpg