Киләсәк өсөн бөгөн кисектерелә

Коронавирус тажын һалырға йыйынмай, быға бәйле күмәк кеше ҡатнашлығында сараларҙы кисектерергә тәҡдим ителә. "Барлыҡ сараларҙы ла тиерлек 1 декабргә тиклем туҡтатырға йәки, нормаларҙы һәм ҡағиҙәләрҙе үтәп, аҙ кеше ҡатнашлығында уҙғарырға кәрәк», — тигән күрһәтмә бирҙе Башҡортостан Башлығы Радий Хәбиров. Мәҙәниәт министрлығы залдарҙы тултырыуҙы 30 процентҡа тиклем кәметергә, түңәрәктәрҙең эшен туҡтатырға, урамда уҙғарылған сараларҙы ике тапҡырға кәметергә һәм онлайн эшләү формаларын файҙаланырға, мөһим сараларҙы ғына үткәрергә тигән тәҡдим менән сығыш яһаны.