+21 °С
Болотло
Бөтә яңылыҡтар
Йәмғиәт
22 Октябрь 2020, 17:15
Иртә торғандың ырыҫы арта
Уңыш тырыш, үҙ эшенә яуаплы ҡараған, еренә еткереп үтәгән, намыҫлы кешегә йышыраҡ йылмая. Был - аксиома. Шулай ҙа артыҡ көс һалмай ғына юғары ҡаҙаныштарға өлгәшкәндәр ҙә бар. Ундайҙарға даланлы, “везучий” тиҙәр. Әйҙәгеҙ әле, түбәндәге цитаталарҙы әйткән миллионер, миллиардер булып танылған ғалимдарҙың, фәйләсуфтарҙың һүҙҙәренә лә иғтибар итәйек...
Уңыш тырыш, үҙ эшенә яуаплы ҡараған, еренә еткереп үтәгән, намыҫлы кешегә йышыраҡ йылмая. Был - аксиома. Шулай ҙа артыҡ көс һалмай ғына юғары ҡаҙаныштарға өлгәшкәндәр ҙә бар. Ундайҙарға даланлы, “везучий” тиҙәр. Әйҙәгеҙ әле, түбәндәге цитаталарҙы әйткән миллионер, миллиардер булып танылған ғалимдарҙың, фәйләсуфтарҙың һүҙҙәренә лә иғтибар итәйек.
Үҙегеҙҙе өҫкә тартҡан кешеләр менән генә уратып алығыҙ, донъя былай ҙа аҫҡа тарта торғандар менән тулы.
(Д.Клуни).
Өлгәшкәндә туҡтап ҡалһағыҙ, һеҙ бер ҡасан да үҫмәйәсәкһегеҙ.
(Р.Эмерсон).
Тормошоғоҙҙа уңышһыҙлыҡтар, йәрәхәттәр, яңылышлыҡтар булыр. Ғаилә, уҡыу, эш, көнкүреш проблемалары - быларҙың бөтәһе лә һеҙгә ҡаршылыҡ тыуҙырыуы бар. Әммә һеҙҙең эске компасығыҙҙың уғы һәр ваҡыт бер йүнәлеште - маҡсатығыҙҙы - күрһәтеп торорға тейеш.
(С.Роберт).
Һеҙҙе рәнйеткән, битегеҙгә төкөргән һәр кеше янында туҡтаһағыҙ, бара торған ерегеҙгә бер ҡасан да барып етә алмаҫһығыҙ.
(Т.Фишер).
Проблемалар артығыҙҙан этергә түгел, ә хыялдарығыҙ алға әйҙәргә тейеш.
(Д.Эверетт).
Әгәр мөнәсәбәтегеҙҙе үҙгәртмәһәгеҙ, алдығыҙҙағы проблеманы бер ҡасан да еңә алмайһығыҙ.
(А.Эйнштейн).
Беҙ - ғәҙәттәребеҙ ҡоло. Әгәр уларҙы үҙгәртһәк, тормошобоҙ ҙа яҡшы яҡҡа үҙгәрәсәк.
(Р.Кийосаки).
Ҡаршылыҡҡа осрау менән унан ҡасырға ашыҡмағыҙ. Сабыр ғына унан сығыу юлын эҙләгеҙ. Нимә генә булһа ла яҡшылыҡҡа юрағыҙ. Сабырлыҡ - еңеүгә асҡыс.
(Н.Вуйнич).
Теләк теләп ултырып ҡына йыраҡ китә алмаҫһығыҙ, тороғоҙ ҙа ниәтегеҙҙе тормошҡа ашырыу өсөн эшләй башлағыҙ.
(Д.Лето).
Беренсенән, бер нәмәне лә сәбәпһеҙ һәм маҡсатһыҙ эшләмәгеҙ. Икенсенән, йәмғиәткә кәрәге булмаған эшкә тотонмағыҙ.
(М.Аврелий).
Бәйгелә ҡатнашмай тороп, еңә лә, еңелә лә алмайһығыҙ.
(Д.Боуи).
Нимәгә генә тотонһағыҙ ҙа, уны быға тиклем кем дә булһа эшләгән була. Ә һеҙ уны элеккегә ҡарағанда яҡшыраҡ эшләп ҡарағыҙ.
(А.Челентано).
Читайте нас:
Редакция һайлауы
© 2024