Бөтә яңылыҡтар
Йәмғиәт
1 Февраль 2021, 20:03

Сикләүҙәргә яйлап сик ҡуйыла

Төнгө клубтар һәм барҙар асыла, юғары уҡыу йорттары уҡыусылары өйҙән уҡып арыны, күңелле студент тормошо башлана.

Үҙәк матбуғат хәбәр итеүенсә, Башҡортостанда коронавирусҡа ҡаршы ҡаты сикләүҙәр юҡҡа сығарыла, шулай ҙа битлек кейеү һәм 65 йәштән өлкәндәр өсөн изоляцияға ҡәтғи талап ҡала. Был - дөйөм иммунитетты булдырыу өсөн мотлаҡ сара.
Шул уҡ ваҡытта республикала төнгө клубтар, бар-ресторандарҙы асыу, дискотека, туйҙар уҙғарыу рөхсәт ителә. Кинозалдарға - 75%, ә урамдағы концерттарға 85 процентҡа тиклем билет һатырға мөмкин. Ә студенттар өсөн ысын күңелле студент тормошо башланды.