Яңы транспорт почтаға бик кәрәк

Башҡортостандағы почта автопаркы яңы КамАЗ һәм Форд машиналары менән тулыланды. Үткән йыл 80 почта автомобиле эште байтаҡҡа еңеләйтһә, биш Форд фургоны һәм өс КамАЗ бик урынлы һәм ваҡытлы бирелде. Пандемияға бәйле курьер хеҙмәтенә ихтыяж артты, һәм был транспортты арттырыуҙа мохтажлыҡ тыуҙырҙы. Бөгөнгә Башҡортостан буйынса почтаның автопаркында 466 автомобиль иҫәпләнә.

Яңы фургондар курьер хеҙмәтен башҡарһа, КамАЗ-дар республиканы Рәсәйҙең башҡа төбәктәре менән бәйләйәсәк, улар магистраль почта маршрутына сыға. Тәбиғи газ яғыулығында эшләүе яғыулыҡҡа сығымды 60 процентҡа тиклем кәметә, шулай уҡ экологияға ла әҙерәк зарар килтерелә.

Йыл аҙағына тиклем тағы ла 50 “Соболь” маркалы почта автомобиле алыу планлаштырыла.