Галкин программаһында - Башҡортостандың урам һепереүсеһе

Фотограф Роман Филипповтың фотосессияһы урам һепереүсе Юрий Ветулгиндың яҙмышын ҡырҡа үҙгәртте. Уның ғибрәтле тормош юлы, алдаҡсылар арҡаһында бурысҡа батыуына кешеләр битараф ҡала алмай. Ошо көндәрҙә ул Роман Филиппов менән Останкино телеүҙәгендә булып, Максим Галкин үткәргән “Бөгөн кис менән” программаһын төшөрөүҙә ҡатнашты. "Бөтәһе лә тапшырыуҙың ҡасан буласағын һораша, әлегә үҙебеҙ ҙә белмәйбеҙ, әйтмәнеләр,” - тип яҙа социаль селтәрҙә Юрий. Тимәк, программаның сығарылышын күҙәтеп барырға кәрәк буласаҡ. Егет Мәскәүҙә тәүге тапҡыр булған, баш ҡала уға бик оҡшаған.