Онлайн
(шаярыу ҡатыш)
Ул иртән дә онлайн,
Ул кисен дә онлайн.
Телефондан уны ҡарап,
Эшемә гел һуңлайым.
Көндөҙ ҙә ул онлайн,
Төндә лә ул онлайн.
Их, өҙөлөп һөйәм уны,
Тик әйтергә ҡыймайым.
Ҡабатлана көн һайын:
Бер уңмағас уңмай(һ)ың,
Кем менәндер онлайн –
Бәхетлелер, моғайын...
Кем менәндер, белмәйем,
Ҡолаҡҡа ла элмәйем.
Ул яратмай, аңлайым,
Тик артынан ҡалмайым.
Хыялдарҙы ялғайым –
Булһын бары онлайн,
Мин бит ерҙә бер минут та
Унһыҙ тора алмайым.
Онлайн!!! (Зөлфиә Ханнанова)
+17 °С
Болотло