Сейә бәлеше

Кәрәк: 180г аҡ май йәки маргарин, 150г шәкәр + бәлеш өҫтөнә һибер өсөн 2 ҡалаҡ шәкәр, 1 ҡап ванилле шәкәр, 4 йомортҡа, 200г он, ярты балғалаҡ һүндерелгән сода, 500г сейә.

Әҙерләү: Ирегән аҡ майҙы йәки маргаринды һауытҡа һалып, крем хәленә килгәнсе бутарға. Аҙлап шәкәр, ванилле шәкәр ҡушырға. Артабан өҫтөнә йомортҡаларҙы ярырға. Он һәм һүндерелгән соданы шулай уҡ аҙлап ҡушырға. Тигеҙләп формаға һалырға, өҫтөнә сейәләрҙе батырырға һәм шәкәр һибергә. Уртаса температурала әҙерләнгәнсе бешерергә.