+12 °С
Ямғыр
Бөтә яңылыҡтар
Файҙалы кәңәштәр. Йорт усағы
17 Октябрь 2019, 16:32
Көнөгөҙҙө йырҙар йәмләһен!
Заһир һәм Ғәлиә йырыЙондоҙҙарға йондоҙ атылғанда, Осрашҡандар көндәр төн менән. Был донъяны белгәнемдән алып, Һинең барлығыңды мин беләм...
ЗАҺИР һәм ҒӘЛИӘ йыры
Заһир:
Йондоҙҙарға йондоҙ атылғанда,
Осрашҡанда көндәр төн менән.
Был донъяны белгәнемдән алып,
Һинең барлығыңды мин беләм.
Һин ҡайҙа, мин шунда, Ғәлиәм,
Шатланам, илайым һәм көләм.
Мөхәббәт алдында баш эйәм,
Һин ҡайҙа, мин шунда, Ғәлиәм.
Ғәлиә:
Йондоҙҙарға йондоҙ атылғанда,
Йөрәгемә ҡунды ялҡыны.
Бер ялҡыны донъя балҡытырлыҡ
Һөйөү булғандыр ул, ахыры.
Һин ҡайҙа, мин шунда, Заһирым,
Йыраҡтан эҙләгән яҡыным.
Йөрәктә ҡабынған ялҡыным,
Һин ҡайҙа, мин шунда, Заһирым.
Заһир:
Йондоҙҙарға йондоҙ атылғанда,
Ғүмерҙәре янып юғала.
Галия:
Ә мөхәббәт ғүмерҙәрҙән оҙон,
Мәңге яна, мәңге йырлана.
Заһир, Ғәлиә бергә:
Һин ҡайҙа, мин шунда, Ғәлиәм,
Шатланам, илайым һәм көләм.
Мөхәббәт алдында баш эйәм,
Һин ҡайҙа, мин шунда, Ғәлиәм.
Һин ҡайҙа, мин шунда, Заһирым
Читайте нас:
Редакция һайлауы
© 2024