Көлөп алайыҡ әле...

– Мин һеҙҙе нисек танырмын икән? - ти, иғландар аша танышыуға барырға йыйынған ир.

– Ҡаршығыҙға бер ҡыҙ атлар һәм һеҙ "Шул ғына булмаһа ярар ине, эй Аллам!" тип уйларһығыҙ. Ә ул мин булырмын!

*****

- Өләсәй, ә ҡан тәмлеме ул? - ти ейәне....

- Мин ҡайҙан беләйем... - ти өләсәһе..

- Ә атайым, өләсәң вис ҡанымды эсеп бөттө, тине...

- Атаңдың мейеһе юҡтыр ул....

- Әлбиттә, атайым әйтә, ул минең мейемде лә ашап бөттө ул, ти.

*****

Иртәнге аш ваҡыты. Ҡатыны осоп йөрөй тиерһең. Күңеле шәп:

– Бөгөн бергә йәшәүебеҙгә - 20 йыл. Әллә берәй тауыҡты һуяһыңмы? - ти иренә.

– Һин нимә! Ул бахыр тауыҡтың ни ғәйебе бар бында?!

*****

Абитуриентҡа имтихан ваҡытында һорау бирәләр:

– Һеҙ Аҡмулла менән танышмы?

– Юҡ.

– Ә Ерәнсә сәсән менән?

– Юҡ.

– Ә Салауат Юлаев, Зәки Вәлиди, Шәйехзада Бабич, Ниғмәти, Рәми Ғарипов, Мостайҙар менән?

– Юҡ.

– Сығырға мөмкин.

Сыҡҡас, ишек янында өймәлшеп торған башҡа абитуриенттар быны һырып ала:

– Ҡабул иттеләрме?

– Юҡ, бында блатың, брат-ысватың буйынса ғына ҡабул итәләр икән, - тигән була, ти

******

Улы атаһынан һорай:

- Атай, дәүләт нимә була ул?

- Дәүләт ни, шул, ҙур ғаилә кеүек инде, улым. Бына мин - власть, әсәң - министр, өләсәң - ФСБ, ә һеҙ, балалар - халыҡ...

Бер ваҡыт, атаһы оҙайлы командировкала саҡта улы шылтырата:

- Атай, срощны ҡайт! Өйҙә көн дә яңы власть! ФСБ йоҡлай... Халыҡ ныҡ тулҡынлана!!!