Конгэк
+16 °С
Болотло
TelegramVKОКdzen
Талпандар ҡурҡып һеҙҙе урап үтәсәк
Бөтә яңылыҡтар

Һөйләшеү әҙәбе

Көнкүрешебеҙгә ныҡлы үтеп ингән кеҫә телефонын ҡулланыуҙың да үҙ ҡағиҙәһе бар. Уларҙың бер нисәһен барлап китәйек.

Көнкүрешебеҙгә ныҡлы үтеп ингән кеҫә телефонын ҡулланыуҙың да үҙ ҡағиҙәһе бар. Уларҙың бер нисәһен барлап китәйек.
*Мохтажлыҡ булмаған көйө кемгәлер шылтыратып, файҙаһыҙ һөйләшеү алып барыу, мәғәнәһеҙ шаяртыу әҙәп ҡағиҙәһенә һыймай.
*Телефон аша һөйләшеүҙең үҙ ваҡыты бар: иртәнге намаҙға тиклем, төшкө ял мәлендә, төн еткәс шылтыратыу тыйыла (әгәр мохтажлыҡ булмаһа). Һанап үтелгән ваҡытта шылтыратырға тура килгән осраҡта әңгәмәсе алдында ғәфү үтенеү мотлаҡ.
*Кемгәлер йә берәй ойошмаға тәүге тапҡыр шылтыратаһығыҙ икән, тәү сиратта үҙегеҙ менән таныштырып үтеү мөһим. Һөйләшеү һәр ваҡыт хушлашыу һүҙе менән тамамланырға тейеш.
*Оҙаҡ һөйләшеү килешмәй: әңгәмәсегеҙҙең ваҡыты тар булыуы, уның ҡайҙалыр ашығыуы йәки башҡа кешенән шылтыратыу көтөүе ихтимал.
*Кеше күп урында, транспортта, сиратта баҫып торғанда, шулай уҡ мәсет, театр, музей, кинотеатр кеүек тыныслыҡ һаҡланырға тейеш урындарҙа телефондан һөйләшеү тыйыла.
*Һеҙҙең шылтыратыуға яуап бирмәйҙәр икән, уны ҡабаттан йыйыу урынһыҙ. Сабыр ғына көтөгөҙ һәм бер нисә сәғәттән һуң кәрәкле кешенән хәбәр булмаһа, үҙегеҙ шылтыратығыҙ.
*Эшлекле һөйләшеү 8-10 минуттан артмаҫҡа тейеш.
*Шау-шыулы урындарҙа ла телефондан һөйләшмәгеҙ.
*Кешенең рөхсәтенән тыш уны телефонға төшөрөү, яҙҙырыу ҡәтғи тыйыла. Башҡаларҙың телефонынан кемгәлер шылтыратыу йәки яуап биреү, үҙегеҙгә тәғәйен булмаған смс-тар уҡыу ҙа әҙәпһеҙлеккә инә.
*Берәү телефон аша кем менәндер һөйләшә икән, тыңлап тороу килешмәй.
Руль артында телефон аша һөйләшеүҙән тыйылығыҙ, был-күберәк юл ҡағиҙәһе талабы. Әгәр ҙә кисектергеһеҙ һөйләшеү булһа, машинағыҙҙы туҡтатып тороу яҡшы. Шулай уҡ үтә ҡысҡырып һөйләшеү, кеше булған урында шәхси тормошоғоҙға ҡағылышлы хәбәр һөйләү, икәү-ара булған сер менән бүлешеү ҙә әҙәп ҡағиҙәһенә тап килмәй.
Читайте нас: