-4 °С
Болотло
Бөтә яңылыҡтар
Файҙалы кәңәштәр
14 Ноябрь 2019, 15:29
Ялҡаулыҡты еңеү өсөн ете алым
1. 10 минут методы Әгәр берәй эште бөтөрөр өсөн 1-2 сәғәт кәрәк булһа ла, эш артына үҙегеҙҙе бары 10 минутҡа ултыртығыҙ. Был күҙ алдығыҙға килтергәнгә ҡарағанда күпкә еңелерәк! Бары 10 минут! Бәләкәй генә ваҡыт арауығында эшләү уйы ялҡаулыҡты ситкә этәрә.
1. 10 минут методы
Әгәр берәй эште бөтөрөр өсөн 1-2 сәғәт кәрәк булһа ла, эш артына үҙегеҙҙе бары 10 минутҡа ултыртығыҙ. Был күҙ алдығыҙға килтергәнгә ҡарағанда күпкә еңелерәк! Бары 10 минут! Бәләкәй генә ваҡыт арауығында эшләү уйы ялҡаулыҡты ситкә этәрә.
2. Дәртләнеү
Дәртләнегеҙ! Йүгерегеҙ, һикереп алығыҙ, турникта ынтылығыҙ. Шулай уҡ һалҡын һыу менән йыуыныу һеҙгә көс бирер. Һеҙҙең тәнегеҙ арыуҙы ҡалдырып, кәрәкле энергия алыр.
3. "Бер нәмә лә эшләмәйем"
Ултырығыҙ һәм бер нәмә лә эшләмәгеҙ! Шулай уҡ торорға була, бары ятырға ярамай. Ултырығыҙ һәм бер нәмә лә эшләмәгеҙ: телевизор ҡарамағыҙ, йыр тыңламағыҙ, китап уҡымағыҙ, бер нәмә лә! Тик кенә ултырығыҙ һәм алдығыҙға ҡарағыҙ.
Был бик ябай күнекмә һеҙҙән көс талап итмәй. 15 минуттан һуң һеҙҙең түҙемлегегеҙ бөтөр.
4. Планлаштырыу
Һәр көн иртән торғас, ҡулығыҙға көндәлек алығыҙ һәм алдағы көнгә план яҙығыҙ. Әгәр уларҙы үтәмәйһегеҙ икән, үҙегеҙгә наказ бирегеҙ, ҙур түгел. Шулай уҡ бөтә эштәрҙе эшләгәндән һуң, үҙегеҙгә бүләк бирегеҙ. Ул һеҙҙе алға этәрер.
5. Мотивация
Һәр көн иртән торғас, үҙегеҙгә һорау бирегеҙ: мин үҙем теләгәнсә йәшәр өсөн нимә эшләйем? Нимә? Мин бөтә тормошомдо хәҙерге кеүек, үҙгәрештәрһеҙ йәшәгем киләме, әллә мин уңышҡа ирешергә теләйемме?
Үҙегеҙ һайлағыҙ: Уңышҡа өлгәшкегеҙ киләме?
Уңышҡа ирешергә әҙерһегеҙме?
Был тормоштан һеҙ нимә теләйһегеҙ?
Нисек йәшәгегеҙ килә?
Үҙегеҙҙең ниндәй ҙә булһа маҡсатығыҙға ирештегеҙме?
Ә теләйһегеҙме?
Үҙегеҙҙе үңышлы кеше тип һанайһығыҙмы?
Әгәр яуаптар һеҙҙе ҡәнәғәтләндермәһә, эшләгеҙ!
6. Яратҡан эшегеҙ менән шөғөлләнегеҙ!
Был уңышлы кешеләрҙең иң мөһим һәм иң тәүге ҡағиҙәһе. Беҙ ялҡауланғанда, нимә менән шөғөлләнәбеҙ? Нимә яратабыҙ, шуның менән, эйеме? Оҡшаған эште эшләргә ялҡауланмайбыҙ бит, шулаймы? Үҙегеҙҙең хоббиғыҙҙы эшкә әйләндерегеҙ.
7. Башлағыҙ!
Әгәр һеҙ тәүәкәлләп, башламаһағыҙ һәм ошо алмдарҙы ҡулланмаһағыҙ, уларҙы белеү һеҙгә бер нисек тә ярҙам итмәҫ.
Башлағыҙ!
Мәҡәлә оҡшанымы? Лайк ҡуй һәм дуҫтарың менән бүлеш!
Читайте нас:
© 2024 Башҡортостан Республикаһы Мәләүез районы "Көнгәк" ижтимағи-сәйәси гәзитенең рәсми сайты.
Сайт общественно-политической газеты г. Мелеуз и Мелеузовского района Республики Башкортостан «Конгэк».
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.
Баш мөхәррир Абдрахманова Л.А.
Электрон почта
Адресы
Башҡортостан республикаһы, Мәләүез ҡалаһы, Воровский урамы, 6-сы йорт.
Телефон
+7 (347-64) 3-52-07