Тултырылған ҡаҙ

Бер биҙрә һыуға 1 кг тоҙ, 8-10 ҡара борос, 4-5 лавр япрағы, 1-2 баш һарымһаҡ алына. Ҡаҙ яңы һуйылған йә туңдырылған булһа ла ярай. Һыу эҫе түгел, йылымса булырға тейеш.

Ҡаҙҙы һыуҙа кәмендә 12-14 сәғәт тоторға кәрәк. Ул тулыһынса һыуға күмелеп торорға тейеш. Һыуҙан алғас, таҙа сепрәк менән һөртөп ҡоротабыҙ. Эслеккә алма һәм ҡара емеш, үҙегеҙ теләгән башҡа эслек алырға була. 2-3 аш ҡалағы майонезға ярты сәй ҡалағы аджика һалып бутап, шуны ҡаҙҙың тиреһенә һөртәбеҙ. Махсус целлофан "ең"гә лә тығырға була. Бер нисә ҡат фольгаға, ҡамырға ла төрөп бешерергә була. Духовкала йә мейестә 2 сәғәт бешкәс, фольганы асып, яңынан мейескә тығып өҫтөн ҡыҙартып алырға кәрәк буласаҡ.