Тиҙ бешә торған бәлеш

Ҡамыр өсөн 4 ҡалаҡ майонез, тәменсә тоҙ, 2 йомортҡа, 1 стакан он кәрәк. Эслеккә 500 г фарш, һуған, 2-3 картуф, ҡара борос алына.

Майланған табаға ҡаймаҡ ҡуйылығындағы ҡамырҙың яртыһын ҡойоғоҙ. Өҫтөнә фарш менән ҡырғысты ҡырылған картуфты, ваҡлап туралған һуғанды һалығыҙ һәм ҡамырҙың ҡалғанын ҡойоп бөтөрөгөҙ. Фаршты еңелсә генә ҡыҙҙырып алырға ла була. Бәлеш ҡыҙыу мейестә 30-45 минут бешә.

Ашығыҙ тәмле булһын!