БӘХЕТ

Донъяла өс дуҫ йәшәгән. Уларҙың һәр ҡайһыһы бәхет хаҡында хыялланған. Өсөһө өс төрлө күҙ алдына килтергән уны. Береһе бәхет - байлыҡта, икенсеһе талантта, ә өсөнсөһө бәхет - ул ғаилә, тигән. Ваҡыт үтеү менән уларҙың барыһы ла үҙ моратына өлгәшкән.

Байтаҡ йылдар уҙғас, ғүмер көҙөнә яҡынлашҡас, был өс дуҫ осрашҡан.

- Бай булдым мин, әммә бәхет татыманым, - ти икән береһе.

- Талантлы инем, шулай ҙа бер генә көн дә үҙемде бәхетле итеп тойманым. Яңғыҙлыҡтан арып китеп барам, - тигән ти икенсе дуҫ.

Ә өсөнсөһө:

- Мин шул тиклем бәхетле йәшәнем! Яҡындарымдан, балаларымдан, ейәндәремдән яратылып ҡына китәм һәм иң мөһиме - Ергә яңы кешеләр ҡалдырам...