Һеҙҙең йәшлек йырҙары

Шамил Шәрифйән улы Хәмәҙинуров 1950 йылда Мишкә районында тыуған. Ижади юлын ул Өфө сәнғәт училищеһының вокал бүлеген тамамланғандан һуң, 1978 йылда Башҡорт дәүләт филамонияһында башлай.

Яңы килгән белгестең көслө ойоштороу һәләтен иҫәпкә алып, уға эстрада йәштәр коллективын етәкләү бурысы йөкмәтелә. Ижади төркөм ҡыҫҡа ваҡыт эсендә тамашасы һөйөүен яулай. Шамил Хәмәҙинуров халыҡ йырҙарын төрлө телдәрҙә башҡарыуы менән дә киң таныла. Йыр сәнғәте үҫешенә ҙур өлөш индергәне өсөн Шамил Хәмәҙинуров 1988 йылда - «БАССР-ҙың атҡаҙанған», 2013 йылда «Башҡортостандың халыҡ артисы» тигән маҡтаулы исемдәргә лайыҡ була. Йырсы 2014 йылда баҡыйлыҡҡа күсте.