ТУПҺА

Тупһа - йорттоң сиген белдерә, именлек символы булып тора.

Бала тыуғас та, йәш бала менән әсә янына берәүҙе лә индермәгәндәр. Атай кеше тупһа аша үтмәй генә кендек инәһенә күлдәк әйткән.

Йортҡа насарлыҡ кермәһен тип, тупһа өҫтөнә даға ҡағалар. Уны ҡаҡҡан саҡта:

Шайтан килмәһен өсөн,

Хәрәм кермәһен өсөн,

Тел-теш баҫмаһын өсөн,

Бәрәкәт ҡасмаһын өсөн! - тип әйтәләр.

Тупһаны таҙа тоторға кәрәк, ул хужаның йөҙө булып тора.

Лена ХӘЙРУЛЛИНА әҙерләне.