Ҡыш бабайға яҙалар...

Ҡыш бабайға хаттар килә башлаған. Кескәйҙәрҙән. Уҡып сығығыҙ әле шуларҙы.

Бәләкәстәрҙең хыялдары шул тиклем ябай ғына. Шулай бит? Ә беҙ ололар унан шәп машина, диңгеҙгә юллама, шәшке тун таптырыр инек тә, тағы әллә ниндәй буй етмәҫтәй хыялдар ҡороп, шуларҙың тормошҡа ашыуын көтөр инек. Шыршы аҫтына әллә ниндәй затлы бүләк һалынһа ла, ҡулдағы сәпсеккә риза булмай, һауалағы торнаға үрелер инек. Шундай инде беҙ ололар...Сабыйҙарҙан күп нәмәгә өйрәнәһе бар шул әле...