Бөтә яңылыҡтар
Йорт усағы
13 Декабрь 2019, 14:12

Хәлһеҙлек нимәнән килә?

Һаулыҡ һәм ауырыу араһындағы айырмалыҡ ғәҙәттә медиктар хроник талсығыу тип атай. Беҙҙең илдә әле был хаҡта һүҙ ҡуҙғатмайҙар, сөнки беҙҙә дауаланыр өсөн мөмкинлектәр сикләнгән, ә американдар саң һуға. Һуңғы мәғлүмәттәргә ҡарағанда, хроник талсығыу менән ил халҡының дүрттән өс өлөшө интегә икән, йәғни американдарҙың 75 процентының гел йоҡоһо килеп йөрөй, иртән тәндәре арып-талып торалар һәм көнө буйы ауырлыҡ менән эшләйҙәр.

Һаулыҡ һәм ауырыу араһындағы айырмалыҡ ғәҙәттә медиктар хроник талсығыу тип атай. Беҙҙең илдә әле был хаҡта һүҙ ҡуҙғатмайҙар, сөнки беҙҙә дауаланыр өсөн мөмкинлектәр сикләнгән, ә американдар саң һуға. Һуңғы мәғлүмәттәргә ҡарағанда, хроник талсығыу менән ил халҡының дүрттән өс өлөшө интегә икән, йәғни американдарҙың 75 процентының гел йоҡоһо килеп йөрөй, иртән тәндәре арып-талып торалар һәм көнө буйы ауырлыҡ менән эшләйҙәр.
Таныш торошмо? Был ауырыуҙы бер ниндәй дарыу менән дә дауалап булмай икән. Тик шулай ҙа унан ҡотолорға мөмкин, бары тик йәшәү рәүешеңде генә бер аҙ үҙгәртергә кәрәк. Американың танылған медиктары Сьюзан Ларк һәм Мартин Чен итте аҙраҡ, ә йәшелсә һәм бутҡаларҙы күберәк ашарға тәҡдим итә. Ит һәм кәтлитләрҙәге май менән холестерин организмды талсыҡтыра. Иң күп энергияны кәбеҫтә, шпинат, сөгөлдөр, кишер, картуф, алма һәм әфлисундан алырға мөмкин. Иртәнге аш туҡлыҡлы булырга тейеш. Кисен, киреһенсә, аҙы­раҡ ашағыҙ.