ИРТӘ, ТАҢ

Яңы көн тыуыуы, ҡояш ҡалҡыуы менән бәйле сафлыҡҡа, таҙалыҡҡа эйә мәл. Эш башлау өсөн хәйерле ваҡыт.

Таң атыу менән ҡара көстәр йөрөүҙән туҡтай.

Таңда бәхет өләшелә. Шуға иртә торған кеше бәхетле була.

Иртәнге ризыҡты ашамай йәки эсмәй ҡалдырыу ярамай, бәхетең кәмей, йәки икенсе яртың ташлап китә, тигән тыйыу бар.

Таң һыуы - ауырыуҙарҙы дауалау өсөн таң атҡанда һыу эйәһенән һорап алған шифалы һыу. Ул төрлө әмәлгә ярай.

"Башҡорт теленең этнолингвистика һүҙлеге" нән.